«Каримов кўпроқ онага урғу беришни сўраганди» — Мустақиллик майдонидаги Бахтиёр она ҳайкали очилганига 17 йил тўлди

Мустақиллик майдонидаги 1992 йили «вақтинча» ўрнатилган глобус (Озодлик обидаси) тагига 17 йил аввал она ва бола ҳайкали қўйилганди. У салкам 15 йил Ўзбекистоннинг олий меҳмонлари учун биринчи манзил бўлди, Ислом Каримов эса бу монумент «келин-куёвлар учун севимли қадамжо»га айланишига ишонганди.